tendas R

ola xente. Aquí estamos outra vez, e nesta ocasión para falarvos de diferentes tendas que estamos inaugurando coa imaxe de R.

como sabedes o que queremos é facilitar ao máximo a relación que temos con vós, sexades ou non clientes. A nosa web é un elemento de información para ver os nosos produtos e tamén para contratalos. Tamén temos os nosos teléfonos gratuítos (1449 para clientes e 1445 para os que non o son). Doutra banda, dispoñemos de comerciais que visitan e informan aos consumidores de telecomunicacións da nosa oferta.

pero bueno, ás veces un tamén precisa “fedellar” no produto, tocar os móbiles, sentarse fronte a alguén con calma e que lle expliquen as cousas. E por iso temos máis de 50 distribuidores en toda Galicia que son xente que pensamos sabe facer moi ben o seu traballo (como tanta outra xente coa que traballamos aquí). Non pensamos que os de R poidamos reinventar a roda constantemente, así que confiamos nos profesionais. Na nosa páxina web podedes descubrir cal é o distribuidor que está máis preto de vós. Algúns deles mesmo ofrecen servizo de postvenda: recollida de equipos, tramitación de reclamacións, xestións...

o caso é que moita xente nos preguntaba cal era o motivo de que non tivesemos tendas propias de R. A razón primeira xa a comento pouco máis arriba, que non sempre o que fai un ten por que ser o mellor (o que sabe, sabe). Pero tamén é verdade que temos que tratar de contentar á maior cantidade de persoas que sexamos capaces, así que estamos a probar como algo que nos pedístedes (e case nos esixístides en ocasións) tendas made in R. Así que nos lanzamos de cabeza ao río e xa vos podo dicir que temos varias tendas R do trinque, en concreto unha en Ourense, outra en Vigo e outra máis na Coruña.

pero a cousa non queda aí, senón que tamén quixemos potenciar a nosa imaxe nos distribuidores aos que tanto debemos. Total, que estamos a montar o que por aquí denominamos “espazos R” e “zonas R” nos nosos distribuidores. Para que o entendades, nos espazos R teredes, ao igual que nas tendas, a posibilidade de probar, de tocar dun xeito persoal e intransferible a nosa televisión dixital, a conexión á internet e tamén os móbiles R.



as zonas R son algo máis humildes, pero non por iso menos importantes. Poida que teñan pinta de ser armarios, pero non, xa que esconden moito do que é R, vamos, que teñen o noso toque de orixinalidade e sinxeleza. E despois de soltarvos esta frase que sempre queda ben (e serve para ir enchendo), cóntovos que neles tendes a posibilidade de ver os nosos móbiles, que é sobre todo o que máis vos gusta ver de preto.



o caso é que estades convidados a pasarvos tanto polas tendas R como polas do resto de distribuidores. E o que sería bárbaro, é que nos axudásedes con ideas de que tipo de contidos ou cousas pensades que deberamos meter nestas tendas R para facelas atractivas e que vos resulten útiles.

déixovos tamén aquí unhas fotos para ver que vos parecen, aínda que tendes máis en Flickr.

aburiño!

Comentarios

Enviar un comentario