Internet para todos

Ola. Ao mellor algún de vós xa está enterado das axudas que poden solicitar as familias con menos recursos que queiran acceder a internet por primeira vez, non si?

Por se acaso, volo contamos polo miúdo: en R colaboramos desta volta coa Secretaría Xeral de Modernización e Innovación Tecnolóxica da Xunta de Galicia nun programa destinado aos fogares con menos posibilidades de acceder ás novas tecnoloxías.

Para esas familias menos favorecidas que queiran contratar por vez primeira o acceso á rede están xa dispoñibles as subvencións da Xunta. Poden solicitalas ata o 31 de decembro de 2013, e os requisitos que hai que cumprir son os seguintes:

- residir en Galicia e estar empadroado no domicilio para o que se pide a subvención

- ter unha renda per cápita familiar inferior a 9.000€ (é dicir, a renda familiar dividida entre o número de membros da familia debe ser menor desa cantidade)

- solicitar un novo acceso a internet e que no domicilio non haxa contratada unha conexión á internet nin se dera de baixa nos tres meses anteriores á solicitude

Como é a contía destas axudas? Pois moi sinxelo: a primeira cota mensual íntegra do combo con internet será asumida por R, así como a alta da liña (0€). A partir de aí ofrecerase unha subvención de 180€ a cada solicitante (16,36€ durante 11 facturas). Ademais, esta axuda é acumulable á promoción de benvida que ofrecemos aos nosos clientes.

Se estades interesados en acollervos a estas subvencións podedes chamarnos directamente ao noso teléfono gratuíto 1445 e xa vos informamos de todo e vos botamos unha man co trámite destas axudas e coa solicitude.

Tedes máis información no Diario Oficial de Galicia.

Un saúdo.

Comentarios

Enviar un comentario