Concertos de verán na rúa con R

Ola xente. Como estamos no verán e por esta época sempre nos apetece estar máis na rúa porque fai mellor tempo (ou debería, porque a estas alturas andamos algo amolados con tanta nube), en R estamos organizando unha serie de concertos que poderás desfrutar en xullo e agosto na vía pública.

Temos permiso para facelo, iso si, non vaiades pensar que por ser na vía pública o facemos a la buena de Dios e despois veñen os policías municipais a desaloxarnos porque non temos permiso. Non oh, aquí todo é pola lei. De feito ata temos datas e todo. Iso si, se o tempo non acompaña o que temos pensado é pospoñer o día para que as condicións sexan as mellores.

A idea é dar a coñecer grupos locais galegos empregando a rúa como escaparate e buscando a proximidade entre os músicos e o público. E para iso nada mellor que estar ao aire libre, tomando algo en boa compañía e escoitando as cancións dos artistas que actúan. O primeiro deles será Álvaro Muras, un coruñés que toca o baixo acompañado por unha batería e un percusionista nun estilo de funk fusión. Déixovos un vídeo para que o vaiades coñecendo:

Se vos gusta ou se vos queredes pasar, está todo o mundo convidado, clientes ou non. Así que de parte do señor alcalde se fai saber aos interesados que os concertos serán nas seguintes lugares e horas (iso si, non haberá buses polas paradas de costume):

- O Grove: 19 de xullo ás 21.00 horas na praza do Corgo
- Melide: 26 de xullo ás 21.00 horas na praza do Convento
- Mondoñedo: 1 de agosto ás 21.00 horas na praza do Concello
- Foz: 2 de agosto ás 21.00 horas no paseo da Rapadoira
- A Estrada: 8 de agosto ás 21.00 horas na praza do Concello

Temos un par de concertos máis pensados para facer en Foz e no Grove, cun artista tan secreto que nin sequera o sabemos nós. Pero non vos preocupedes que en canto saiba a hora e o elixido actualizo o post.

Un saudiño e a pasalo ben ;)

Comentarios

Enviar un comentario